தடம் மாறி
தடுமாறி
மனம் மாறி
இடம் மாறி
வலுவிழந்துப்
பாலையில் நான்!
உன்னை நினைத்து
இதயம் கனத்து
உன் நினைவுகள் மறித்து
தூக்கம் மறுத்து;
இருளும் வெளுத்தது!
ஏக்கம் கொண்டு
வாட்டம் கொண்டு
உன் நினைவைக் கொண்டு
நெடுநாளாய் நானிங்கே!
வரமாட்டேன்
வளைகுடாவிற்கு எனத்
தேசம் சென்றாலும்;
பாசத்திற்காகப் பைசா
எடுக்கச் சுவற்றில் அடித்தப்
பந்தாய் பந்தாவாக
மீண்டும் நான்!
சலித்துப் போனச்
சவால்களால் களைத்துப்போன
நண்பர்கள்!
உள்மனது மட்டும்
ஓயாமல் ஒலிக்கும்
என்றாவது ஒரு நாள்
திரும்பாது என் பாதம்
விரும்பாத வளைகுடாவிற்கு!
மனதுடன் மட்டுமல்லாமல், வலியும்
ReplyDelete