புற்றீசலாய் பூத்துக்குலுங்கும்
புத்தகக் கண்காட்சிகள் நாங்கள்;
பட்டமாய் பறக்கவேண்டிய வயதில்
பாலைவனத்தில்!
குடும்பம் காக்க எங்களின்
தோள்களைக் கொடுக்க;
கொதிக்கும் வெயிலும்
இதமாய் இருக்கும்!
உண்டாயா என உரிமையோடு
என் குடும்பம் கைப்பேசியில் கதைக்கும்;
இல்லை என்றாலும் ஆமாம் எனச் சொல்லி
அன்பான அஸ்திரம் அம்மாவின் வாயடைக்கும்!
கடல் தாண்டி வந்தாலும்
கடமை கண்ணை மறைக்க;
நிலைமை என்னை நெருக்க
மெழுகாய் உருகினேன் உழைக்க!
குருவியாகச் சேர்த்து
குடும்பத்திற்க்கு அனுப்ப;
நித்தமும் அவர்கள் என்னை நினைக்க
புத்தகத்தில் பதியாத
புத்தம் புது தியாகிகள் நாங்கள்!
எல்லாம் விடுத்து
தனிமையை எடுத்து
தாகத்தோடு நிற்கிறோம் பாலையில்;
அகம் மகிழும்
புறம் நெகிழும் என் போலவே
வீட்டிற்கு ஒரு படைவீரன்
குடும்பத்திற்க்காக இங்கே நான் காணுகையிலே!
Tweet
No comments:
Post a Comment