வறுமைக்கு அடிப்பட்டு
வளைகுடாவிற்கு
வாக்கப்பட்டு;
கரம் பிடித்த உன்னை
கண்ணீரோடு விட்டுவிட்டு;
தலையணைக்குத் துணையாய்;
தனிமைக்கு இணையாய்;
நான் இங்கே!
வருடத்திற்கு ஒரு முறை
வந்துப்போய்;
வந்துப்போகும் மாதத்தில்
உன் மனதைக் கொண்டுபோய்;
உண்டான உனக்கு
அறிவுறைகள் அழகாய்
கைப்பேசியில்!
புதுமணத் தம்பதிக் காலத்தில்
கடல் கடந்து வரும்
உன் கடிதத்திற்கு
இமையோடுச் சேர்ந்து என்
இதயமும் காத்திருக்கும்!
காலங்கள் ஓடியப்பின்னே;
இளைமை வறண்டப்பின்னே;
உன் மடலோடு
மருந்துக்காகக் காத்திருக்கும்
என் ஆரோக்கியம்!
ஓடி ஆடும் வயதில்
ஒதுக்குப்புறமாய்
நீயும் நானும்;
ஆடி அடங்கும் வயதில்
வந்திருக்கிறேன் உன் அருகில்;
வளைகுடாவிற்கு
வயது ஒத்துழைக்காததால்!
ஓடி ஆடும் வயதில்
ReplyDeleteஒதுக்குப்புறமாய்
நீயும் நானும்;
ஆடி அடங்கும் வயதில்
வந்திருக்கிறேன் உன் அருகில்;
வளைகுடாவிற்கு
வயது ஒத்துழைக்காததால்!//nice
என்னை போன்று பலர் இந்த கவிதைக்கு சொந்தக்காரர்கள். இளமையை வெளி நாட்டில் கழித்து முதுமையை உள் நாட்டில் கழிக்க காத்திருக்கிறோம்.
ReplyDeleteஅருமையான பதிவு.
வாழ்த்துக்களுக்கு மிக்க நன்றி.
ReplyDeleteபலரின் வலி கசிகிறது வார்த்தைகளில் .
ReplyDeleteகருத்து தெரிவித்த பனித்துளி சங்கர் அவர்களுக்கும் நன்றி.
ReplyDelete