தட்டுப்பாடு நிறைந்தத்
தரணியிலே – தினம்
கொட்டோக் கொட்டென்று கொட்டும்
சூரியக் கதிர்வீச்சைப்
பிடித்துத்தர நாங்கள் உதவுகிறோம்!!!
சூரிய ஒளி மின்சாரம்
தொடர் மின்வெட்டும்
தொடரும் மின் கட்டண உயர்வும்
தொடர்ந்து நம்மை துரத்த;
இருள் சூழ்ந்த இடமென்று
இதயம் ஒரமாய் உரைக்க;
இருளே இரவென்று இருந்தாலும்
மின்சாரமும் ஒளி கக்க
வழியில்லாமல் வக்கத்துப் போக;
காற்றில் ஜன்னல் அடித்தாலும்
கள்ளனோ என அச்சமாய்;
மெழுகுவர்த்தி ஒளியில் தேடியதுபோதும்;
படிக்கும் பிள்ளைகள்
புத்தகத்தோடு மெழுகைச்
சுமந்ததுபோதும்;
காற்றுக்காக விசிறி
சுற்றி சுற்றி விசிறிக்கே
மயக்கம் வந்ததுபோதும்!
ஒயாமல் ஒடும்
சூரியஒளி மின்சாரம் வந்துவிட்டது;
பலம் கொண்ட ஒளியால்
இருளை வென்றுவிட்டது;
மின் கட்டண உயர்வை
கொன்றுவிட்டது!
சூரிய ஓளி மின்சாரத்திற்கு அணுகவும்:
SOLAR SQUARE
MAYILADUTHURAI
96 55 85 35 41
99 43 74 72 25
04364-222123
வறுத்தெடுக்கும் வட்டி
கொடுத்தவன் உள்ளம்
குளிர்ந்து நின்று;
வாங்கியவனின் உள்ளம்
குலைந்து விழுந்து;
அழுதுப் புலம்பும் சமுதாயம்
அய்யகோ என்னப் பரிதாபம்!
வட்டிக்குச் செல்லப்பெயரிட்டு;
அதற்கு மீட்டர்
ராக்கெட் பெயரிட்டு;
அணு தினமும் மனிதனின்
மானத்தைத் தூக்கிலிட்டு;
மிரட்டும் முரட்டு வட்டி!
தின்று மெல்லும்
அரக்கனை மனம்
அழிக்கத் துடிக்க எத்தனிக்குது;
அதற்கு இஸ்லாம்
மட்டும் வழிக்கொடுக்குது!
வறுத்தெடுக்கும் வட்டியைக்
கழுத்தறுப்போம்;
விதைக்கு விலைக்கொடுப்போம்;
சமுதாயத்தின் சுமை ஒழிப்போம்!
உதவி வேண்டி:
பர்மாவில் நாங்கள்
கொடூரமாய் கொலையுண்டு
இன்னொருமுறை
மண்ணிற்கு உரமாகியச்
சமூகம்!
குருதியை முத்தமிடாத பூமி
உலக வரைபடத்தில்
மிச்சமேதுமில்லை;
குரல் கொடுக்க எவருமில்லை!
ஊடகம் ஊமையானது ஏனோ;
எங்கள் உயிர்கள் மட்டும்
உங்களுக்கு ஈனமானது ஏனோ;
உலக நாடுகள்
அமைதிக் காப்பது ஏனோ;
கொடூரமாய் இறக்கும்
எங்களுக்கு இது
அமைதி அஞ்சலி தானோ!
இனிய ரமலானே
தளர்ந்தத் தசைகளும்
சிலிர்த்து நிற்கும்;
வறண்ட விழிகளும்
நனைந்துப் போகும்;
பொன்னான மாதம்
எனைப் போர்த்தியப்படி!
மணக்கும் இறைவேதமும்
என் மடியில்;
ஒளிரும் என் நெற்றியும்
தரையில்;
ஒளித்த செல்வங்கள்
தர்மத்திற்காக வெளியில்;
நன்மையை நோக்கி
என் வயிறுப் பசியில்!
ஏக்கத்துடன்;
நன்மையைப் பெரும்
நோக்கத்துடன்,
பாவமன்னிப்பிற்கானத்
தேட்டத்துடன்;
வல்லோனின் அருளுக்காக
வாட்டத்துடன் என் முகம்!
வளம் நிறைந்த ரமலானே
உனை வீணடிப்பேனோ;
அடுத்த வருடம் உனையடைய
நான் இருப்பேனோ!
Subscribe to:
Posts (Atom)